Fabricant de flabuta de tres traucs, tamborin a còrdas e clarins deras Pirenèas.

Flabuta d’estudi

Era flabuta deths prumèrs còps

Concebuda tà tots eths publics, aquesta flabuta de tres traucs que d’ei meticulosament ajustada ara man. Qu’èi desvolopat aquesta flabuta d’estudi de metau dab un bèc de plastic com un instrument adaptat aths besonhs especifics deths començants : dab era, eths eslhèves que poiràn lèu produsir sons, shens tròp de dificultats. Adaptada aths budgets petits, aisida d’entertien, era sua intonacion hèra precisa que permeterà aths neo-flabutistas de desvolopar era loé aurelha musicau.

Flabuta de temperament inegau

Era flabuta trad deras arraditz

Ua gama de flabuta de tres traucs – flabuta, txirula, de boish deras Pirenèas hètas segon modèles de flabutas ancianas, de era epòca quan era gama temperada n’èra pas encara era nòrma. Aqueras flabutas que hèn arretrenir eth arrebomb deras hèstas rituaus ancestraus. Luenh d’èster capriciosas, be n’an un temperament deths bèths !
– eras 4 flabutas de Gasconha, de qui forman un consòrt (4 tessituras diferentas)
– era flabuta d’Esquièze (vath de Lus e Sent Sauvaire)
– era flabuta de Gèdra (vath de Gavarnia)
– era txirula

Ua istòria de temperament

Deth sègle 19au estant, qu’ei eth temperament egau de qui ei en situacion de quasi-monopòli : era octava que d’ei copada en dotze intervalles perfèitament egaus (eths « miei-tons »), shens chepicà’s dera justessa deras quintas. Eth temperament inegau, deth sué costat, be favoreish eras suas quintas mes estimadas, ath despens d’autas quintas de qui s’ac valerà miélhor evitar ! Qu’existeishen ua pièla de temperaments inegaus, dont eths deras flabutas tradicionaus deras Pirenèas. En musica com en era vita vitanta, n’i a pas nat compromés deths bons (ni deths maishants) : tot cadun que’s causeish eth de qui’u correspon !

Era flabuta de tres traucs

Hèta d’ua sola pèça de boish, ua husta dura e densa.

En Béarn, en Bigorre, en Navarre et en Aragon, elle est indissociable – ou presque ! – du tambourin à cordes. C’est avec lui qu’elle accompagne les moments importants de la vie, fêtes, mariages et deuils.
En Bearn, en Bigòrra, en Navarra e en Aragon, que d’ei indissociabla – o quasi ! – deth tamborin a còrdas. Que d’ei dab eth qu’acompanha eths moments importants dera vita, hèstas, maridatges e dòus.
Jogada dera man esquèrra – manca en vath d’Aussau, mes era istòria ne ditz pas perqué ! – qu’a ua estenuda d’ua gama e mieja. Segon era talha, que serà mes o mensh aguda. Segon era vath, qu’aurà ua tonalitat en re, dò/si, en la o ua auta. Qué que’n sia, que d’ei tostemps presenta tà hèr dançar sauts e branles tradicionaus, acompanhar eths cants polifonics… e hòrt mes encara, ath grat deths encontres dab d’autes orizonts musicaus e segon eras envejas deths musicaires e dançaires.

Deth boish ara flabuta

Cada annada, que’s cau trobar boishs deths interessants e puish anar copà’us. Era talha deth boish que’s hè en ivèrn. Après un long periòde de secatge (10 ans minimum !), eth boish que pòt estar debitat en carrelets, puish horadat, e tribalhat. Enter cada etapa, era husta que sèca ua annada ath mensh, eth temps qu’eras fibras e’s sarren. Atau, enter eth moment quan copi eth boish e eth moment quan era flabuta e sòrt deth talhèr, 15 annadas que’s son escorrudas, haut o baish.